Deltawy 4 Eng

أهلا وسهلا بكم فى منتدى طلاب هندسة الدلتا
شارك واتعرف على زملائك واستفيد بكل ما يخص الدراسة
مع تحيات مدير المنتدى
م/ عبدالعليم حلمى عبدالمولى

    سكوت يامعلمين

    شاطر
    avatar
    الماجيكو محمد
    دلتاوى ممتااااااااز
    دلتاوى ممتااااااااز

    عدد المساهمات : 159
    نقاط : 3161
    السٌّمعَة : 0
    تاريخ التسجيل : 05/03/2010
    العمر : 26

    سكوت يامعلمين

    مُساهمة  الماجيكو محمد في الجمعة نوفمبر 26, 2010 9:03 pm

    دا كلام عصرنا الجميل كان زمان الكلام احلى بكتيييييييييير
    1 - نهارك سعيد يا محترم

    2 - ايه ده يااخى دا انت نمرة

    3 - معلوم يا محترم انت لسه بتستفسر

    4 - قسماً عظماً

    5 - الله يجازى شطانك

    6 - (كدة بلوشى ( يعنى منغير فلوس

    7 - تقاليع ايه دى

    8 - يا راجل خلى عندك تمييز

    9 - انت لازم مجنون

    10 - كدة تدخل عليا منغير احم و لا دستور

    11 - انا هأعمل تلفون للموحافظة

    12 - انت حطمت اعصابى

    13 - كلمه و رد غطاها

    14 -انا فى منتهى الاسف

    15 - انا اسف و الله

    16 - قولى و الله يا حضرت هو .....ـ

    17 - ايه ده يا خويا ؟؟

    18 - ( روح يا واد انده للحكيم ( الدكتور يعنى

    19 - فشرت يا قليل الادب

    20 - انت راجل قليل الحيا

    21 - انت راجل متختشيش

    22 - انت راجل موغفل

    23 - الله يعمر بيتك

    24 - انت حيرت فكرى معاك

    25 - امشى طوالى

    26 - جاك عمى فى عينك

    27 - احترم ذاتك يا محترم

    28 - يا اولاد الابالسه

    29 - تعالى كل معايا حاجة كده على ما قسم

    30 - انت جرى لعقلك حاجة

    31 - انت فرحان لشوشتى

    32 - انت راجل كلك انسانيه

    33 - انا هحكلكم حواديت تمام جميله خالص

    34 - اهو كدة

    35 - حاجة مش بطاله

    36 - انا صحتى بطاله اوى اليومين دول

    37 - يا بكاش

    38 - و الله دى مسأله مقدش اتكلم فيها

    39 - انت يا راجل يا عديم الشهوميه

    40 - انت اسعدت مهجتى

    41 - طيبون يا افندى سلامات كدة

    42 - لالالا شيل التكليف

    43 - خلى عندك ادب,, الله

    44 - اما و الله حاجة غريبه

    45 - انا اعرف فلان ده عز المعرفة
    او انا اعرف فلان ده حق المعرفه

    46 - طول بالك بس

    47 - وعدوك ,, عدوك على اللى حصل

    48 - انت مين :: محسوبك ــــ

    49 - انت مين يا سدنا الافندى

    50 - انت يا بليه يا تنبل

    51 - اما حته فصل فى منتهى السقوعيه

    52 - انا متشكر اوى على ظورفك يا انسه

    53 - انا عندى حته افكار و تكتيكات جهنميه

    54 - انا قاعد فى مكان كله انس و انشراح و افراح

    55 - اوى اوى من حباب عنيه

    56 - انت يا كروديا يا لخمه يا قليل النظر

    57 - اختشى على دمك عيب

    58 - الله لا يكسبك

    59 - انا متأثر خالص لحالتك

    60 - انت بتبصبص

    61 - يلا اوام روح هات الحاجة انا راجل صاحب زمه

    62 - انا نفسى اسافر بوابور البحر

    63 - يا حفيظ ايه الورطه دى

    64 - انا انسريت خالص من رؤيتك الليله

    65 - انا هبئا أزورك فى اراميدان

    66 -جتك الهم يا اخى

    67 - دا نان اكلت صحن رز

    68 - انت راجل بحبوح اوى

    69 - يا ندامه انا اتغميت من الخبر ده

    70 - انت جى هنا بأنهى وش

    71 - يخلصك كدة يا فلان افندى

    72 - يا نهار زى بعضوا
    او يا نهارك زى وشك

    73 - انا شاورت عقلى

    74 - ليلتك سعيدة سعادته البيه

    75 - ليه كدة بس كلفت خاطرك كده

    76 - انت عقلك فارغ

    77 - انا مبسوط على اخر ما ينبغى

    78 - انت يا راجل يا ابو عقل صفيح

    79 - انا مش وش حاجة زى كدة

    80 - انا اسمى انضف من النزاهه

    81 - انا عاوز اشرب كازوزه
    ونفسى اكل رطلين كباب

    82 - عقبال املتك كدة انا قبض بتاع 150 قرش الشهر دة

    83 - وعند القسم ) بشرفى انا الخخخ )

    84 - و عند الاستغراب ) كدة

    85 - انت برضوا يخلصك كدة

    86 - عفارم عليك و الله


    *&*&*&*&*&*&*&*&*&*&*

    ( كوول ):- روش

    ( كبر ):- لا تعطى للموضوع أهمية

    ( هرتل ):- هبل

    ( تكانة ):- غلاسة

    ( مستكنيس ):- مرتاح

    ( لخص ):- تكلم بإختصار

    ( أوفر ):- زايد عن الحد

    ( ينفسن ):- يحمل حقدا فى نفسه

    ( سياح ):- نشر الخبر

    ( برشطة ):- غلاسة و تقل دم

    ( حملجة ):- مصلحة

    ( نفخ ):- خنقة

    ( افش ):- خلاف مفاجئ

    ( اكحرتك ):- ابسطك وافرفشك

    ( سنجفتك ):- دلعتك

    ( مليطة ):- منورة

    ( فكك ):- ماتخدش فى بالك

    ( قشطة ):- حلو أوى اوى

    ( احلقله ):- اكسفه

    ( شحلفتك ):- ضربتك

    ( خليك فريش ):- كبر

    ( قصر ):- لخص

    ( اتنحررى ):- اتحركى

    ( متحورش ):- هات من الآخر

    ( لحاليح ):- فلوس

    ( ايه النظام ):- هنعمل ايه

    ( هشيبك ):- هرعبك

    ( متيسة ):- مش مركزة

    ( مفستك ):- تعبان

    ( مبقوق ):- مخنوق

    ( هيشكشكك ):- هيبهدلك

    ( اعلقها ):- اصاحبها

    ( نفضله ):- طنشه

    ( ظبطها لى ):- عرفنى عليها

    ( فاصلة ):- مش مركزة

    ( مش فى المود ):- مش رايق

    ( مهيس ):- مش طبيعى و مخرف

    ( هات من الآخر ):- اختصر فى كلامك

    ( بعتة ):- اشتغالة

    ( متزنجفين ):- مستوين

    ( انجز ):- بسرعة

    ( ثبته ):- اسرقه

    ( أستاذة ):- حلو أوى

    ( استخبس ):- فى الخباثة

    ( هنج ):- وقف عن العمل

    ( طبقها ):- اسرقها

    ( يا مان ):- يا راجل

    ( هسيف ):- هخزن

    ( خليك مفتح ):- ركز

    ( ماتبقش ):- ماتزودش فى الكلام

    ( ابستفك ):- ازهقك و ابهدلك

    ( فلسعة ):- هروب

    ( سهتنة ):- هبل و خبث

    ( فطشة ):- كدبة

    ( ترب ):- مقلب

    ( يعشش فى الدماغ ):- يثبت

    ( كرفاه ):- كرهاه

    ( طحن ):- جدا

    ( كيشنى ):- ادفعلى فلوس
    [center]

    engy ali
    دلتاوى ذهبى
    دلتاوى ذهبى

    عدد المساهمات : 1007
    نقاط : 4026
    السٌّمعَة : 4
    تاريخ التسجيل : 22/10/2009
    العمر : 24

    رد: سكوت يامعلمين

    مُساهمة  engy ali في الجمعة نوفمبر 26, 2010 9:11 pm

    تسلم ايدك ى بشمهندس توبيك جميل و مجهود رائع منور المنتدى
    avatar
    eng:diaby
    دلتاوى ممتاز جدا
    دلتاوى ممتاز جدا

    عدد المساهمات : 262
    نقاط : 3325
    السٌّمعَة : 3
    تاريخ التسجيل : 11/02/2010
    العمر : 25

    رد: سكوت يامعلمين

    مُساهمة  eng:diaby في الجمعة نوفمبر 26, 2010 9:12 pm

    نيس تويك تسلم ايدك
    avatar
    الماجيكو محمد
    دلتاوى ممتااااااااز
    دلتاوى ممتااااااااز

    عدد المساهمات : 159
    نقاط : 3161
    السٌّمعَة : 0
    تاريخ التسجيل : 05/03/2010
    العمر : 26

    رد: سكوت يامعلمين

    مُساهمة  الماجيكو محمد في الجمعة نوفمبر 26, 2010 9:18 pm

    thnx 4 u
    i do my best to get u happy
    merce
    avatar
    CAESAR
    دلتاوى فضى
    دلتاوى فضى

    عدد المساهمات : 204
    نقاط : 3157
    السٌّمعَة : 0
    تاريخ التسجيل : 05/02/2010
    العمر : 27

    رد: سكوت يامعلمين

    مُساهمة  CAESAR في الجمعة نوفمبر 26, 2010 11:18 pm



    فاكر ليالى زمااااااااااااااااااااااااااااااااااااااااااااااااااااان اية الحلاوة دى هوا دا العلم ولا بلاش سيبك ياعم بلا

    هندسة بلا بتاع ههههههههههههه حبيب هارتى


    تسلم ايدك على المعلومات القديمة والجديدة
    avatar
    SHRF
    دلتاوى ذهبى
    دلتاوى ذهبى

    عدد المساهمات : 436
    نقاط : 3302
    السٌّمعَة : 0
    تاريخ التسجيل : 30/05/2010
    العمر : 27

    رد: سكوت يامعلمين

    مُساهمة  SHRF في السبت نوفمبر 27, 2010 9:42 pm

    نيس توبيك
    avatar
    الماجيكو محمد
    دلتاوى ممتااااااااز
    دلتاوى ممتااااااااز

    عدد المساهمات : 159
    نقاط : 3161
    السٌّمعَة : 0
    تاريخ التسجيل : 05/03/2010
    العمر : 26

    رد: سكوت يامعلمين

    مُساهمة  الماجيكو محمد في الأحد نوفمبر 28, 2010 8:11 pm

    والله عندك حق يابو حميد والله يعني خدنا ايه من وش ام الهندسه
    مع احترامي يعني للمهندسين
    بس والله كنت انت كملت ف كلية تجارة وانا كنت كملت ف كلية اللغات والترجمة الفورية
    وكان يبقا مستقبلنا افضل من كده ولا حد عنده رأي اخر.........................
    الأمر مشورة بيننا لا احراج

      الوقت/التاريخ الآن هو الجمعة ديسمبر 15, 2017 12:03 pm