Deltawy 4 Eng

أهلا وسهلا بكم فى منتدى طلاب هندسة الدلتا
شارك واتعرف على زملائك واستفيد بكل ما يخص الدراسة
مع تحيات مدير المنتدى
م/ عبدالعليم حلمى عبدالمولى

    بتحب ...طب ادخل هخطبهالك صدقنى بجد ...............

    شاطر

    امير القلوب
    دلتاوى ممتااااااااز
    دلتاوى ممتااااااااز

    عدد المساهمات : 181
    نقاط : 2885
    السٌّمعَة : 0
    تاريخ التسجيل : 26/01/2010
    العمر : 24
    الموقع : المنصورة

    بتحب ...طب ادخل هخطبهالك صدقنى بجد ...............

    مُساهمة  امير القلوب في الجمعة يوليو 30, 2010 5:01 pm





    اهلالالالا انتوا جيتوا فينكوا من زمان؟!

    موضوع النهارده عن الحب .. ييييييييييييييه هو انتوا مبتزهقوش
    لا انا اكتر واحده بتزهق .. بس صدقوني النهارده غير
    النهارده هتكلم اول مره عن الحب ..

    بس الحب غير

    تعالي يا آدم لرحله صغيره هنطلعها سوا بس يارب تستحملني ونكمل المشوار..


    بتحب؟!



    قوي؟!



    قولتلها انك بتحبها؟!



    وكان رد فعلها ايه ؟!



    هي كمان طلعت بتحبك.. مممممممم



    وبعدين؟!



    لا ازاي الحب فيه بعدين ..



    زي انكـ هتعمل ايه بحبك ليها



    ولغايه ما تقدر تتقدم هتعمل ايه ؟!



    سكت يعني .. متخافش مني .. انا انسان برضه واكيد هيجي يوم هحب واتحب بس الفرق بينا اني حسبتها صح .. قولي بس ناوي علي ايه وانا اعلمك تحسبها صح..



    مممممم هتقضيها مكالمات وحوارات واحيانا مقابلات..




    واهلها عارفين؟!



    يدبحوها مش كفايه .. مممممممممم



    وياتري لما بتقولك بحبك بتصدقها؟




    طيب ازاي وانت ساعدتها تكدب علي اهلها؟



    حتي لو الاهل تفكيرهم رجعي من وجه نظرك يبقي البنت اقل منهم تفكير لانها اختارت تحل المشكله بالكدب وانها تستغفل اهلها..



    تعمل ايــــــــــــــــــــــــــــــــــه ؟! صدقني هو ده اللي انا جايه علشانه.. بتحبها قوي ومعاك في الجامعه - في الشغل- في الشارع - في اي مكان مش هقولك بطل تحبها لان محدش يقدر يشيل الشعور ده من جواك.. انت بس بنفسك تقدر تتخطاه..


    او.. توظفه في الحلال



    ازاي؟! .. اولا لازم تحط في اعتبارك ان الانسانه دي بنت ناس
    ايا كان مستواهم فهي بنت ناس .. وفي الغالب الناس دي معترضه ان بنتهم تحب وتستعمل الحب
    تستعمله يعني تكلمك وتخرج معاك..
    دي سمعه يا بن الناس مش لعب عيال..
    ده من وجهه نظرهم ..
    شوفت خلتني برضه ارجع لكلام الناس..
    ونسيت اهم نقطه ..
    ربنا..
    تعالي نتكلم شويه ونرجع لكلام الناس

    ان الاهم من السمعه وكلام الناس ان في رب مطلع..
    مش محتاجني اقولك ان العلاقه في شرع ربنا محرمه
    ماهو مش علشان مش بتلمس ايديها واكتر حاجه سمعتهلها بحبك وحشتيني والاسطوانات المشروخه دي يبقي اللي بتعملوه مش حرام..
    لا حرام ..
    عارف ليه؟
    لان ربنا خلقلك قلب غلفه بحبه ده المفروض .. جعلك حب الام من ثانيه الولاده وحب الاب بيبدأ من ثانيه اول ما تشوفه اكتر من مره وتاخد عليه
    وحب الاخوات برضه كده
    وحب القرايب
    وحب الاصحاب من اول ما تلاقي انسان محترم يبقي صديق ليك
    وحب النص التاني؟؟!!
    من اول ما تلاقيه وتحس انه فعلا بقي النص التاني؟


    معاييرك ايه؟!

    شكل؟
    استايل؟
    روشنه؟



    شخصيــــــــــــــــــــــــــــــــــــــــه؟



    طيب عرفتها ازاي؟



    ممممممممممم اتكلمت معاها



    هعتبره في حدود الدراسه قدرت تتعرف علي شخصيتها في حدود الدراسه؟
    قدرت تعرف هي بتفكر ازاي بالارقام والحروف؟



    مم اكيد اتكلمت معاها في مواضيع خارجيه وامور شخصيه
    مممممم آدي تاني غلطه محرمه يا حلو



    ايوه هو مش رسولك صلي الله عليه وسلم حذر من الاختلاط وقال انه محرم في الاسلام..
    طيب آديك خرقت حاجز تاني في طريقك يبقي تفتكر العلاقه هتنجح
    لا يبقي انت غلطان لان ربك يمهل ولا يهمل
    زي ما بتعارضه في الدنيا زي ما هيديك علي قد عملك
    في الدنيا والاخره
    يعني هتبص تلاقيها علاقه غلط ان نجحت في الاول هتفشل في النص وان نجحت للآخر هتفشل لآخر الآخر
    يعني معني كده ان ربنا لما خلقلك قلب حطلك فيه ميعاد تحب وتوظف الحب..

    امتي ؟!

    لما تبقي رجل بمعني الكلمه عقل يفكر ان دي الانسانه اللي تنفع تفتح بيت وانها شريكه العمر وقلب بيحب يشوفها يلمحها بس معديه وجيب مش لازم مليان بس يقدر يفتح بيت او في طريقه انه يفتح بيت وايد تخبط علي الباب من بابه مش من شباكه يبقي هو ده ميعاد الحب

    الحب اللي مش بيسمحلك بس تخرج معاها اللي بيسمحلك انكـ تعتبرها ضلع من ضلوعكـ

    حبتها واللي كان كان انا عارفه وخلاص مبقتش قاادر علي بعدها

    ماهو علشان متخسرهاش ولا هي تخسر حبها لازم تسمع كلامي..

    روحلها حالا قولها كفايه كده بقي ؟
    طبعا هي هتستغرب انت بتقول كده ليه متبصش لا في عينيها ولا في رد فعلها كمل اللي هقولك عليه ده..

    قولها كفايه استهتار
    كفايه استهتار ان في رب لا بيغفل ولا بينام عارف ان انا وانتي مش بنبالغ في الغلط بس بنغلط
    كفايه بقي نتقابل من ورا اهلك
    كفايه نتكلم في التليفون
    كفايه كلمات وان كانت في نظرنا صغيره ومفيهاش حاجه كفايه انها بتغضب ربنا وفيها عصيان لأوامره
    فاكره فاكره واحنا بنحلم ببيت صغير يبقي جميل واطفال نعلمهم في احسن مدارس واسبوع كل سنه نسرقه من الوقت نقضيه مع بعض في مكان بنحبه تفتكري حياه سعيده زي دي هتيجي مع كل التنازلات اللي قدمناها في الدنيا؟
    تفتكري ربنا بيدي حد عصي كلامه ؟
    كفايه كده بقي ..
    اصبري وسيبيني انا كمان اصبر ولما ربنا يديني ويفتح عليا وينفع اجي واتكلم مع اهلك عنك هاجي واخبط الباب
    بصي يا بنت الحلال انا بحبك وهفضل احبك بس مينفعش استعمل الحب ده دلوقتي الا لما ابقي قادر ارتبط بيكي قدام ربنا وقدام الناس ..
    وعلشان اثبتلك اني مش بهرب منك انا مستعد اتكلم مع اهلك
    ايوه مستعد هقولهم ان انا بحبك من زمان وعايزه ارتبط بيكي بس انا مستني الفرصه اللي ابقي فيها جدير بيكي..
    عايزك تفهميني وتساعديني انا وانتي نطلع من بحر الاساءه اللي ان اوانتي غرقنا نفسنا فيه ..

    والله عجبها كلامك وصدقتك واقتنعت ومش عايزه اقولك عيطت من كتر زعلها علي نفسها.. يبقي انت اخترت صح يا مان ويبقي دي انسانه متتعوضش
    المحترمين اقل من الزيتون علي البيتزا..

    معجبهاش كلامك واخدته علي محمل انكـ بتكدب عليها وشكت في نيتكـ يبقي انت غلطان من الاول في اختيارك يا سيدي مش هي دي اللي قدام اي موقف بعد كده هتقدر تثبت حبها ليكـ ..

    معجبهاش كلامكـ بقي ولسه عايزه تقضيها حورات والحياه عندها ايزي
    بزمتك يا راجل دي واحده تأتمن علي بيت واطفال ؟؟!

    شوفت انا حسبتها صح ازاي؟
    شوفت ان طاعه ربنا والامتثال لامره حلوه ازاي؟
    علشان يوم ما تحب وترجعله لو حصل شيء لا قدر الله قلبك ميتحطمش من كتر الجروح
    شايف اصلا ربنا بيحبك ازاي..
    كفايه عليك كده يا بن آدم
    اظن انا قولتلك كل اللي فيها هتقولي متكلمتيش عن كلام الناس
    هقولك الناس مبتبطلش كلام يكفي ان احنا راضيين ربي وربك ورب الناس

    ويلا بقي ارجع علي بيتك علشان الليل ليل والرحله خلصت ولازم تسكت شهرزاد عن الكلام المباااااااااااااااااااااااااااااااااااااااااااااح









    اية رايكم فى الكلام دة ؟؟؟؟؟؟؟؟؟؟؟؟؟؟؟؟؟؟؟؟؟

    engy ali
    دلتاوى ذهبى
    دلتاوى ذهبى

    عدد المساهمات : 1007
    نقاط : 3652
    السٌّمعَة : 4
    تاريخ التسجيل : 22/10/2009
    العمر : 23

    رد: بتحب ...طب ادخل هخطبهالك صدقنى بجد ...............

    مُساهمة  engy ali في الجمعة يوليو 30, 2010 10:39 pm

    توبيك رائع ى بشمهندس تسلم ايدك بجد

      الوقت/التاريخ الآن هو الثلاثاء ديسمبر 06, 2016 5:58 pm