Deltawy 4 Eng

أهلا وسهلا بكم فى منتدى طلاب هندسة الدلتا
شارك واتعرف على زملائك واستفيد بكل ما يخص الدراسة
مع تحيات مدير المنتدى
م/ عبدالعليم حلمى عبدالمولى

    هجوم من المريخ

    شاطر
    avatar
    eNg doOoriy
    دلتاوى ذهبى
    دلتاوى ذهبى

    عدد المساهمات : 3087
    نقاط : 7014
    السٌّمعَة : 21
    تاريخ التسجيل : 12/11/2009
    العمر : 25
    الموقع : http://www.youtube.com/user/TheDoritos7?feature=mhum

    هجوم من المريخ

    مُساهمة  eNg doOoriy في الأربعاء مايو 19, 2010 11:10 am

    فى الأول يا جماعه التوبيك ده أنا قرأته ومش عارف أيه عجابنى فيه هو ممكن يبان للناس إنه تافه بس إلى حد ما هو ده حال الشعب المصرى إلى تايه بمعنى أصح مش عارف هو عايز أيه وعايش وخلاص عموما مش هطول عليكم وأسيبكم مع التوبيك


    هجوم المريخ
    أنا فى الميكروباص
    بجوارى كائن مريخى يفسر لى سبب مجيئه إلى الأرض

    حينما سألته سؤالا مباشرا:

    - إنت جاى تعمل إيه فى كوكب الأرض؟

    - (رفع حاجبه المريخى فى دهشة):

    هم بتوع الكواكب الأخرى لما بييجوا الأرض بيعملوا إيه؟

    - بيغزوها طبعا (قلت مبتسما ثم مستطردا): وطبعا جاى تجمع معلومات.
    -أكيد، لازم أشوف الوضع على الطبيعة قبل ما أعطى الصواريخ إشارة البدء.

    أصل إحنا فى حرب مع كوكب الزهرة وخفنا يحتلوا الأرض ويحاصرونا، فقلنا نسبقهم.

    - وبعد ما تحتلونا حتقتلونا؟
    -( فى كبرياء غاضب كمن أُهين إهانة لا تُغتفر):

    إحنا كائنات متحضرة، وأخلاقنا المريخية عالية أوى،

    وبحكم أعباء الاحتلال حنكون مسؤولين عنكم بالكامل.
    -( فى فرحة غامرة): بتتكلم جد؟

    يعنى حتأكلونا؟، فقال فى تأكيد: أكلكم، شربكم، سجايركم، كل حاجة علينا.

    - (أصافحه فى حرارة شديدة): اسمح لى باسم شعب مصر أقول لكم إننا بنرحب بالغزو، ويا أهلا، ويا ميت مرحبا.

    - ( متفاجئا): بتقول إيه؟ يعنى مش حيكون فيه مقاومة؟،

    فقلت له: إطلاقا

    - ( ناظرا فى ارتياب): اسمح لى، من واجبى إنى أنقل لهم كلام دقيق.

    إنت بتتكلم باسمك ولا باسم شعب مصر؟

    - حاخليك تسمع بنفسك صوت الشعب (بصوت عال فى الميكروباص):

    يا جماعة، الأخ ده اسمه كوكو وجاى من المريخ،

    وبيقول إنهم جايين يحتلونا، وأكلنا وشربنا وسجايرنا عليهم، قلتوا إيه؟

    - ( صياح جماعى): هيييييييييه

    (طبول تظهر فجأة فى أيدى الركاب)

    مريخ مريخ، وحنتعشى، حنتعشى..

    - (صوت يقود المجموعة)

    تنتخبوا مين

    كوكو

    وحبيبكم مين؟

    كوكو.

    يا جماعة أنا باشكركم على مشاعركم الفياضة تجاه شعب المريخ الصديق.

    بس المفروض تقاوموا وترفضوا

    - هو احنا لاقيين حد يأكلنا !.

    المهم أديك سمعت رأى الشعب. كلمهم بسرعة وقل لهم يركبوا صواريخهم وييجوا.

    -( هنا كوكو، ولو انى مش فاهم حاجة، لكن تعالوا!

    وتنطلق عربة الأصوات فى شوارع مصر،

    والناس كلها فى فرحة عارمة فيما عدا
    سيدة واحدة لا تشارك فى الاحتفال ويبدو عليها الغضب الشديد.

    ترى ما حكاية هذه السيدة؟

    ثم تصرخ طالبة بأن يتوقف هذا الهُراء.

    ليه يا مدام؟
    قالت : أنا مش موافقة على التهريج اللى بيحصل ده.

    وحضرتك بتتكلمى بصفة إيه يا مدام ما هى الناس مبسوطة قدامك أهه!.

    وهنا حدثت المفاجأة المذهلة.....!!!!

    وجدنا السيدة تتلاشى ثم تتحول إلى حورية شديدة الجمال لا نظير لها على كوكب الأرض.

    ساد الصمت الذاهل لثوان ثم قطعته الفاتنة
    بقولها: أقدم لكم نفسى: زوزو من كوكب الزهرة.

    وعلى الفور بدأت الطبول ترن فى أيدى الركاب، ولكن
    زوزو.. زوزو.

    فانحنت الحورية وأرسلت القبلات فى الهواء لركاب الميكروباص وقالت:

    قولوا ورايا: فليسقط المريخ.

    ( ركاب الميكروباص انقلبوا على كوكو)

    فليسقط المريخ

    الزهرة يعيش، الزهرة يعيش، كوكب المريخ ما يلزمنيش

    الزهرة يعيش، الزهرة يعيش، كوكب المريخ ما يلزمنيش

    ( كوكو مذكرا) يا جماعة الأكل.. السجاير.

    ( ينقلب الهتاف فورا) كوكو.. كوكو.. مريخ.. مريخ

    تقول زوزو بصوت عال:

    الزهرة حتديكم أنابيب البوتاجاز ببلاش.

    ( تدوى الطبول) زوزو، زهرة.

    ( كوكو) قرارات علاج على نفقة المريخ؟

    ( تدوى الطبول ) كوكو.. مريخ.

    ( زوزو) حفلات مجانية لأليسا ونانسى وهيفاء.

    ( هياج فظيع) هييييييييييه خلى بالك من زوزو.
    ( كوكو يقترب من زوزو قائلا)

    بأقولك إيه ما تسيبك من المجانين دول، دول عالم ما ينضمنوش.

    وشايلين الطبول حتى وهم رايحين الشغل، وبيصقفوا لأى حد.

    (زوزو فى حيرة) والله عندك حق.

    أنا مستغربة من اللى بيحصل هنا.

    ما تيجى نعقد صلح بين المريخ والزهرة ونخلع من الكوكب الملعون ده خالص؟.

    تتجوزنى؟.

    ( كوكو يفتح اللاسلكى)

    أوقفوا الغزو.. الناس هنا مالهمش نظام ومش مضمونين،

    وأوقفوا الحرب مع الزهرة كمان،

    إحنا خلاص اتصالحنا ورمي اللاسلكي من الشباك

    ...أموت أنا.

    ركاب الميكروباص فى سعادة فائقة

    اتمخطرى يا حلوة يا زينة، يا وردة من جوه جنينة.
    وتنطلق عربة الأصوات بالسعداء الذين يصفقون لأى شىء وكل شىء،


    وتستمر الحياة فى مصر على دقات الطبول
    avatar
    eng mostafa
    دلتاوى متميز جدا
    دلتاوى متميز جدا

    عدد المساهمات : 106
    نقاط : 3099
    السٌّمعَة : 1
    تاريخ التسجيل : 24/10/2009
    العمر : 25

    رد: هجوم من المريخ

    مُساهمة  eng mostafa في الأربعاء مايو 19, 2010 4:49 pm

    ههههههههههههههههههههههه نيس توبيك محمد
    avatar
    lovely_girl
    مشرف عام
    مشرف عام

    عدد المساهمات : 1720
    نقاط : 5038
    السٌّمعَة : 36
    تاريخ التسجيل : 07/10/2009
    العمر : 31

    رد: هجوم من المريخ

    مُساهمة  lovely_girl في الأربعاء مايو 19, 2010 10:30 pm

    ميرسي يابشمهندس علي التوبيك
    avatar
    eNg doOoriy
    دلتاوى ذهبى
    دلتاوى ذهبى

    عدد المساهمات : 3087
    نقاط : 7014
    السٌّمعَة : 21
    تاريخ التسجيل : 12/11/2009
    العمر : 25
    الموقع : http://www.youtube.com/user/TheDoritos7?feature=mhum

    رد: هجوم من المريخ

    مُساهمة  eNg doOoriy في الأربعاء مايو 19, 2010 11:42 pm

    بجد منورين التوبيكس وشكرا لمروركم

    مصطفى

    إيمى

    engy ali
    دلتاوى ذهبى
    دلتاوى ذهبى

    عدد المساهمات : 1007
    نقاط : 4000
    السٌّمعَة : 4
    تاريخ التسجيل : 22/10/2009
    العمر : 24

    رد: هجوم من المريخ

    مُساهمة  engy ali في الخميس مايو 27, 2010 4:48 pm

    ميرسى ى محمد توبيك جميل تسلم ايدك

    toty
    دلتاوى ذهبى
    دلتاوى ذهبى

    عدد المساهمات : 815
    نقاط : 4073
    السٌّمعَة : 12
    تاريخ التسجيل : 17/11/2009
    العمر : 25

    رد: هجوم من المريخ

    مُساهمة  toty في الخميس مايو 27, 2010 8:54 pm

    جميل يامحمد نيس توبيك
    avatar
    eNg doOoriy
    دلتاوى ذهبى
    دلتاوى ذهبى

    عدد المساهمات : 3087
    نقاط : 7014
    السٌّمعَة : 21
    تاريخ التسجيل : 12/11/2009
    العمر : 25
    الموقع : http://www.youtube.com/user/TheDoritos7?feature=mhum

    رد: هجوم من المريخ

    مُساهمة  eNg doOoriy في الجمعة يوليو 23, 2010 8:25 am

    شكرا لمروركم
    إنجى
    بروكين

      الوقت/التاريخ الآن هو الأحد نوفمبر 19, 2017 10:27 am