Deltawy 4 Eng

أهلا وسهلا بكم فى منتدى طلاب هندسة الدلتا
شارك واتعرف على زملائك واستفيد بكل ما يخص الدراسة
مع تحيات مدير المنتدى
م/ عبدالعليم حلمى عبدالمولى

    بنت الجيران

    شاطر

    toty
    دلتاوى ذهبى
    دلتاوى ذهبى

    عدد المساهمات : 815
    نقاط : 3801
    السٌّمعَة : 12
    تاريخ التسجيل : 17/11/2009
    العمر : 24

    بنت الجيران

    مُساهمة  toty في السبت مارس 20, 2010 12:54 am

    بنت الجيران
    حدث فى حقبة من حقب الزمن...


    الحكاية بتبدأ من حوالى سنتين....
    العفش بينزل من على عربية النقل...



    و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
    قالتلى اه يا حبيبى دى الشقة اللى قصادنا
    قلتلها ويا ترى عرسان جداد ولا عيلة وبتعزل؟
    قالتلى والله يابنى مانا عارفة
    قلتلها طيب.. يا خبر انهارده بفلوس.. بكرة يبقى بفلوس اكتر..



    و بعد أسبوع......
    أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
    قلتلها يا شيـــــخة!
    قالتلى: اه.. مرات الراجل عدت عليا انهارده وسلمت عليا وعرفتنى بيهم
    قلتلها: ايــه بقى عرسان جداد؟؟
    قالتلى لا دول أسرة.. عندهم ولدين وبنت
    قلتلها خير.. خير.. (والشر بيبظ من عينيا)



    و أثناء الحديث الشيق ده..
    طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
    و بعدين طلع ولد صغير ابتسم لنا اول ما شافنا....
    أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
    المهم.. الأم ندهت لبنتها...
    الحقيقة انا كنت أول مرة فى حياتى أسمع الاسم اللى هى ندهت به..
    أول مرة أعرف ان فى بنت اسمها كده أصلا...



    الام بتنده: يــــــا روفيدة (على وزن بثينة , بضم الراء يعنى)
    اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
    و طلعت روفيدة من ورا الستارة فـى حركة Slow Motion من بتاعة الافلام..
    و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
    مش قادر ارفع عينى من عليها.. مينفعش ارفع عينى من عليها اصلا...
    فضلت متنح لحد ما شافتنا انا وامى..
    لما شافت امى ابتسمت لها..



    و لما شافتنى زى ما تكون شافت عفريت ودخلت على جوة جرى...



    و تمر الأيام..
    و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
    ساعة ما الاقيها واقفة.. اطلع البلكونة..
    مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
    او بلعب عشر ضغط.. اى تلكيكة والسلام



    الغريب انها كانت فى الاول لما تشوفنى تروح داخلة جرى على جوة..
    لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
    بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
    واقف بالساعات مدام روفيدة واقفة... ارمى نظرة.. ابتسامة.. أشاور
    و كانت هى بتكتفى بالابتسام وعلامات الخجل...



    و ف يوم من ذوات الايام..
    بشاورلها.. شاورتلى
    بقيت هطير م الفرحة.. روفيده شاورتلى يا جدعان...
    قعدت اطنطط ع السقف وأغنى وحياة قلبى وأفراحه..
    و هبا إيـه هبا أاه.. إن شاء الله هنظبط
    امتى بقى اتكلم معاها ونهظر سوا...



    لحد ما جه اليوم...
    انا راجع م الكلية.. وعلى اول الشارع شفت أمى واقفة مع مامت روفيده..
    و المفاجاة: روفيده واقفة معاهم
    لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
    لحد ما بقيت عندهم.. عرقان طبعا وبنهج وحالتى حالة...
    نزلت عليهم زى الباراشوط..
    ازيك ياما.. ازيك يا طنط عاملين ايه...
    و بصيت لرٌفيدة.. كانت بصالى وبتضحك..
    كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
    قلتلها: ازيك يا روفيده؟!
    و كان رد فعلها غير متوقع بالمررررة... كان صدمة حقيقية بالنسبة لى..
    لقيتها بتمد ايديها وبتسلم عليا...
    و بتقولى: الحمد لله.. ازيك انت؟؟!
    رحت مسلم عليها....
    و قلتلها: الله يسلم قلبك يا روح قلبى..
    و رحت بايس ايديها....
    و رحت شايلها...........
    و قلتلها: انتى عندك كام سنة بقى؟؟
    "









    ***********




    "
    "
    "
    قالتلى عندى 3 سنين




    رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
    و من يومها وانا وروفيده اصحاب... كل ما تطلع البلكونه نلعب ونهزر مع بعض

    eNg doOoriy
    دلتاوى ذهبى
    دلتاوى ذهبى

    عدد المساهمات : 3087
    نقاط : 6742
    السٌّمعَة : 21
    تاريخ التسجيل : 12/11/2009
    العمر : 25
    الموقع : http://www.youtube.com/user/TheDoritos7?feature=mhum

    رد: بنت الجيران

    مُساهمة  eNg doOoriy في السبت مارس 20, 2010 1:06 am

    ههههههههههههههه

    ياسلام حب حقيقى فعلا
    تسلم إيدك يا بروكين

    eng mostafa
    دلتاوى متميز جدا
    دلتاوى متميز جدا

    عدد المساهمات : 106
    نقاط : 2827
    السٌّمعَة : 1
    تاريخ التسجيل : 24/10/2009
    العمر : 25

    رد: بنت الجيران

    مُساهمة  eng mostafa في السبت مارس 20, 2010 7:51 pm

    هههههههههههههههههه
    جامده هو ده الحب ولا بلاش

    engy ali
    دلتاوى ذهبى
    دلتاوى ذهبى

    عدد المساهمات : 1007
    نقاط : 3728
    السٌّمعَة : 4
    تاريخ التسجيل : 22/10/2009
    العمر : 24

    رد: بنت الجيران

    مُساهمة  engy ali في الأحد يونيو 06, 2010 9:32 pm

    هههههههههههههههههههههه جامدة ى بروكن تسلم ايدك

    SHRF
    دلتاوى ذهبى
    دلتاوى ذهبى

    عدد المساهمات : 436
    نقاط : 3004
    السٌّمعَة : 0
    تاريخ التسجيل : 30/05/2010
    العمر : 27

    رد: بنت الجيران

    مُساهمة  SHRF في الإثنين يونيو 07, 2010 1:09 pm

    جميل جدا يا بروكن

    lovely_girl
    مشرف عام
    مشرف عام

    عدد المساهمات : 1720
    نقاط : 4766
    السٌّمعَة : 36
    تاريخ التسجيل : 07/10/2009
    العمر : 30

    رد: بنت الجيران

    مُساهمة  lovely_girl في الثلاثاء يونيو 08, 2010 12:28 am

    ههههههههههههه
    جميله جدااا بروكين

      الوقت/التاريخ الآن هو الإثنين فبراير 20, 2017 10:47 am